بھارت میں والد کے خلاف کارروائی کا انوکھا واقعہ پیش آیا جہاں 5 سالہ بچا کھیلنے نہ دینےاور سیر کو نہ لے جانے پر تھانے پہنچ گیا۔

بھارتی میڈیا رپورٹس کے مطابق ریاست مدھیہ پردیش کا ننھا حسنین غصے بھرے لہجے میں ڈیوٹی افسر کو اپنے ابّا کی شکایتیں لگاتا رہا، ننھے حسنین نے سنجیدگی سے پولیس افسر سے گفتگو کی، کہا کہ والد نے دریا پر جانے یا مصروف سڑک پر کھیلنے سے روکا تھا۔

معصوم بچے کی تھانے پہنچ کر ایف آئی آر درج کروانے کی ویڈیو سوشل میڈیا پر وائرل ہوگئی۔

ویڈیو میں دیکھا جاسکتا ہے کہ بچہ شکایت درج کروانے کے لیے تھانے میں کرسی پر بیٹھا ہے اور پولیس افسر اس کے سامنے موجود ہے، افسر نے اس کا نام پوچھا اور کہا کہ کس کیخلاف شکایت درج کروانا چاہتا ہے۔

افسر کو جواب دیتے ہوئے بچہ اپنا نام بتاتا ہے اور کہتا ہے کہ اسے منع کیا گیا تھا کہ وہ ندی پر نہ جائے اور نہ ہی گلی میں کھیلے پولیس نے پکی کارروائی کی یقین دہانی کروائی اور گھر بھیج دیا۔