Aaj News

جمعرات, ستمبر 19, 2024  
14 Rabi ul Awal 1446  

ایک قینیچی نے گم ہوکر 36 پروازیں منسوخ کرادیں

قینچی بورڈنگ گیٹس کے نزدیک اسٹور سے گم ہوئی، مسافروں کی دوبارہ چیکنگ کرنا پڑی۔
شائع 21 اگست 2024 06:03pm

جاپان میں ایک قینچی کے گم ہونے سے ہزاروں مسافروں کو شدید مشکلات کا سامنا کرنا پڑا۔ قینچی کے گم ہونے کی اطلاع پر ایئر پورٹ حکام نے 36 پروازیں منسوخ کردیں۔

تمام متعلقہ پروازوں کے مسافروں کو نئے سرے سے سیکیورٹی چیکنگ کے مرحلے سے گزرنا پڑا۔ حال ہی میں رونما ہونے والے اس واقعے میں ہوکائیڈو نیو چِتوز ایئر پورٹ پر 36 پروازوں کی تنسیخ کے علاوہ 201 پروازوں میں تاخیر بھی ہوئیں۔

دلچسپ بات یہ ہے کہ قینچی اگلے دن اُسی اسٹور سے مل گئی جہاں سے وہ غائب ہوئی تھی۔ قینچی مل جانے کے بعد بھی اس بات کا جائزہ لیا گیا کہ یہ وہی قینیچی ہے جو غائب ہوئی تھی۔

نائن الیون کے بعد دنیا بھی فضائی مسافروں کے لیے تلاشی یا چیکنگ کا مرحلہ انتہائی سخت کردیا گیا ہے۔ بہت سی عمومی اشیا بھی ممنوع قرار دی جاچکی ہیں۔ چاقو، نیل کٹر، پیچ کس یا کوئی اور نوکیلی چیز ہینڈ کیری میں نہیں رکھی جاسکتی۔

Japan

SCISSORS

FLIGHTS CANCELLED

RE CHECK

NEW CHITOSE AIRPORT

MISSING SCISSORS FOUND LATER