کراچی قائد آباد کے قریب پولیس نے مقابلے کے بعد لوٹ مار کے بعد فرار ہونے والے دو ڈاکوؤں کو ہلاک کردیا ، ہلاک ملزمان سے چھینی ہوئی نقدی ، اسلحہ اور موبائل فونز برآمد ہوئے ہیں۔

پولیس کے مطابق قائد آباد میں پولیس مقابلے میں دو ڈاکو ہلاک ہوئے ، ایس ایس پی ملیر کاشف عباسی کا بتانا ہے کہ موٹر سائیکل پر سوار تین ڈاکوؤں نے قائد آباد کے قریب پولیس افسر کو بیٹے سمیت لوٹنے کی کوشش کی تھی لیکن قریب میں موجود مددگار 15 کے اہلکاروں نے مقابلے کے بعد دو ڈاکووں کو موقع پر ہی ہلاک کیا ۔

ایس ایس پی ملیر کاشف عباسی کا مزید بتانا ہے کہ ملزمان کا ایک ساتھی فرار ہوگیا تھا جس کی تلاش میں اطراف میں سرچنگ کا عمل کیا گیا تاہم گرفتاری نہیں ہوسکی۔