ڈرماٹولوجسٹ اور ایستھیٹک فیزیشن ڈاکٹر نمرہ عزیز نے پاکستان کی معروف اور دلکش ترین اداکارہ ہانیہ عامر کی خوبصورتی کا راز فاش کرنے کا دعوی کیا ہے۔

ہانیہ عامر اپنے دلفریب لُکس اور بنا میک اپ تصاویر فخریہ طور پر سوشل میڈیا پر شئیر کرتی ہیں۔

تاہم، اب سوشل میڈیا پر ہانیہ عامر کی خوبصورتی اور ان کے حسین نین نقش کے مصنوعی ہونے کا دعویٰ کیا جارہا ہے۔

اسکینڈل کوئین ہانیہ عامر کا ایک اور مبینہ افیئر سامنے آگیا

ڈرماٹولوجسٹ ڈاکٹر نمرہ عزیز نے ایک ویڈیو شیئر کی ہے جس میں وہ ہانیہ عامر کی کچھ سال پرانی اور اب دورِ حاضر کی تصویر کو بیک گراؤنڈ پر لگا کر ان کے چہرے پر آنے والی واضح تبدیلیوں سے متعلق تبصرہ کرتی دکھائی دے رہی ہیں۔

انہوں نے کہا کہ ’ہم سب جانتے ہیں ہانیہ عامر کی چہرے کی جلد کتنی دلکش اور ہائیڈریٹڈ ہے لیکن آج ہم ان پروسیجرز کی بات کریں گے جن سے گزر کر انہوں نے اپنی خوبصورتی میں مزید اضافہ کیا ہے‘۔

وسیم عباس نے سجل علی کی بجائے ہانیہ عامر کو کیوں منتخب کیا؟

انہوں نے اندازہ لگاتے ہوئے کہا کہ ’ہانیہ عامر کا چہرہ پہلے گول تھا لیکن اب انہوں نے اپنی تھوڑی کو پہلے سے تھوڑا زیادہ نوک دار کروایا ہے جبکہ انہوں نے اپنے ہونٹوں میں فلر کروایا ہے‘۔

نمرہ عزیز نے یہ بھی کہا کہ ’ہانیہ عامر نے ممکنہ طور پر بھوؤں کے نیچے والے حصے پر بوٹوکس بھی کروایا ہے تاکہ ان کی بھویں اوپر کی جانب اٹھ سکے‘۔

پوسٹ کے کیپشن میں ڈرماٹولوجسٹ نے لکھا کہ ’یہ میرا اندازہ ہے کہ غالباً ہانیہ عامر نے یہ کاسمیٹک سرجریز کروائی ہیں، جو صرف ایک اندازہ ہی ہے کیونکہ میں ان کی ذاتی ڈاکٹر نہیں ہوں‘۔

ہانیہ عامر کا ہم شکل انڈیا میں، ویڈیو تیزی سے وائرل ہورہی ہے

ڈاکٹر نمرہ عزیز نے یہ ویڈیو پہلے اپنے انسٹاگرام پر شئیر کی لیکن پھر اسے ہٹا دیا۔ تاہم، تب تک سوشل میڈیا صارفین نے ویڈیو محفوظ کرلی تھی۔