پشاور میں روٹی کی قیمت میں ایک بار پھر پانچ روپے کا اضافہ کردیا گیا ہے۔

ضلعی انتظامیہ کی جانب سے جاری اعلامیہ کے مطابق قیمت کے ساتھ ساتھ روٹی کے وزن میں بھی پانچ گرام اضافہ کیا گیا ہے۔

جس کے بعد 125 گرام روٹی کی قیمت 20 روپے اور 240 گرام روٹی کی قیمت 30 روپے مقرر کی گئی ہے۔

پہلے 120 گرام وزن کی روٹی 15 روپے میں دستیاب تھی۔

اعلامیے کے مطابق نئی قیمتوں کا تعین پرائس ریویو کمیٹی کی سفارش پر کیا گیا ہے، نئے نرخوں کا نفاذ ضلع پشاور میں فوری طور پر کردیا گیا ہے۔

دوسری جانب نانبائیوں کا کہنا ہے کہ آٹے کی 80 کلو گرام بوری 7 ہزار سے بڑھ کر 8 ہزار 900 روپے پر پہنچ گئی ہے، روٹی کے نئے نرخوں پر بھی ہمیں نقصان ہی ہوگا۔