سیالکوٹ کی تحصیل پسرور کے گاؤں سگنال میں زمین کا تنازع پر فائرنگ سے ایک خاندان کے چار افراد سمیت 5 افراد جاں بحق ہوگئے۔

پولیس کے مطابق 42 سالہ محمد جاوید اپنی بیوی 39 سالہ رقیہ اور بیٹیوں 15 سالہ فاطمہ اور 26 سالہ ارم سمیت کھیتوں میں موجود تھے کہ مبینہ ملزمان اعجاز اور محمد شہزاد نے فائرنگ کردی۔

پولیس کے مطابق فائرنگ سے جاوید ،رقیہ ، ارم ، فاطمہ موقع پر جاں بحق ہوگئے جبکہ باون سالہ رشیدہ نے ملزمان کو روکنے کی کوشش کی تو ملزمان نے اس پر بھی فائرنگ کر دی زخمی رشیدہ بی بی کو ہسپتال لے جایا گیا لیکن راستے میں ہی جاں بھق ہوگئی ہے واقعہ کی وجہ تنازعہ زمین اور سابقہ مقدمہ بازی ہے۔