Aaj News

جمعہ, اکتوبر 11, 2024  
07 Rabi Al-Akhar 1446  

لاکھوں مالیت کے ’چکن ونگز‘ چرانے والی خاتون کی شامت آگئی

خاتون کو جنوری میں چوری کے الزام میں گرفتار کیا گیا تھا، رپورٹ
شائع 13 اگست 2024 09:18am
تصویر بشکریہ گوگل
تصویر بشکریہ گوگل

امریکا میں ایک خاتون کو چکن ونگز چرانے کے جرم میں 9 سال کے لیے جیل بھیج دیا گیا۔

غیر ملکی میڈیا رپورٹ کے مطابق ویرا لائڈیلز نامی خاتون امریکا کے اسکول ملازمہ تھی جس نے 15 لاکھ ڈالر مالیت کے چکن ونگز چرائے، خاتون مجرمہ ویرا لائڈیلز نے ایک سال کے دوران 11 ہزار ونگز کے ڈبے چرائے تھے جس سے اس نے کاوربار کھول رکھا تھا۔

رپورٹ کے مطابق ویرا لائڈیلز کے چرائے گئے چکن ونگز کے ڈبے کورونا وبا کے دوران طلبہ کو دیئے جانے تھے۔

خاتون کی چوری اور کرپشن کا اس وقت پردہ فاش ہوا جب اسکول میں ایک معمول کے آڈٹ کے دوران دیکھا گیا کہ سالانہ فوڈ سروس کے اخراجات تعلیمی سال کے نصف حصے کے بجٹ سے تین لاکھ ڈالر سے بھی زیادہ تھے۔

ابتدائی تحقیقات کے بعد ہی خاتون کی چوری پکڑی گئی اور اس کو جنوری میں چوری اور مجرمانہ کاروبار چلانے کے الزام میں گرفتار کیا گیا تھا، تاہم مقدمے کی مکمل سماعت کے بعد اسے نو سال قید کی سزا سنائی گئی ہے۔

Woman

chicken wings

steaking wings

nine year sentence