پنجاب اسمبلی کے اراکین نے سیکرٹری صحت پنجاب علی جان کے خلاف تحریک استحقاق جمع کروادی۔

مذکورہ تحریک استحقاق عوامی نمائندوں کی سفارشات نہ ماننے پر پچاس سے زائد اراکین کی جانب سے جمع کرائی گئی ہے۔

پنجاب اسمبلی سے معطل اپوزیشن کے 11 اراکین بحال

تحریک کے متن میں کہا گیا ہے کہ ارکان اسمبلی کو محکمہ صحت میں بہتری اور سفارشات دینے کے لئے نگران مقرر کیا گیا ہے۔ سیکرٹری صحت نے حکومت پنجاب کے فیصلے کی تحقیر کی ہے۔

متن میں کہا گیا کہ سیکرٹری صحت نے مستقبل میں نیب اور اینٹی کرپشن سے ڈرانے کے لئے سفارشات کا ریکارڈ مرتب کرنے کے احکامات جاری کردیے۔ وزیر اعلیٰ کے مقرر کردہ منتخب نمائندون پر مشتمل نگران کی سفارشات پر سیکرٹری صحت نے عمل نہیں کیا۔