امریکا کے ریٹائرڈ کرنل ڈگلس مک گریگر نے بتایا ہے کہ اسرائیل اور امریکا کے فوجی یمن میں داخل ہوئے ہیں جن میں سے 70 فوجیوں کو یمنی فورسز نے مار ڈالا ہے۔ ڈگلس مک گریگر کے مطابق ان میں اسرائیلی اسپیشل فورسز کے اہلکار بھی شامل تھے۔

امریکا کے ریٹائرڈ کرنل کا کہنا ہے کہ چند امریکی فوجی بھی مارے گئے ہیں۔ ان فوجیوں کو یمن میں داخل ہونے میں کچھ خاص مشکل پیش نہیں آئی۔

ایران کی ایک ویب سائٹ کے مطابق ڈگلس مک گریگر نے بتایا ہے کہ یمنی فورسز کو ایک روسی سیٹلائٹ نے اسرائیلی اور امریکی فوجیوں کے داخل ہونے سے باخبر کیا اور اُس کی دی ہوئی اطلاعات کی روشنی ہی میں یمنی فورسز نے کارروائی کی۔

ایران پریس کے مطابق ڈگلس مک گریگر نے بتایا کہ روس کے سیٹلائٹس نے ایرانی حکام کو مطلع کیا تو انہوں نے معلومات یمنی فورسز تک پہنچائیں۔

ڈگلس مک گریگر کا کہنا ہے کہ یمن کے حوثی سخت جان ہوتے ہیں اور میدان میں اُن سے مقابلہ کرنا آسان نہیں۔

ڈگلس مک گریگر کا کہنا ہے کہ یمن میں داخل ہونے والے تمام اسرائیلی اور امریکی فوجی مارے گئے۔ میں نے مرنے والوں کی فوٹیج دیکھی ہے۔ ان میں اسرائیلی زیادہ ہیں۔ ایک متعلقہ فرم سے معاہدے کے تحت چند برطانوی بھی ہوسکتے ہیں۔

مزید پڑھیں :

اسلام سے نفرت کرنے والا امریکی فوجی، جو اسلام کی تبلیغ کرنے لگا

امریکہ کو پاکستان میں فوجی اڈے دینے کی خبروں پر دفتر خارجہ کی وضاحت جاری

امریکی فوجی افسر نے فلسطینیوں پر جاری اسرائیلی مظالم پر استعفیٰ دے دیا