کراچی کے نجی اسپتال کی پارکنگ سےمنشیات کی کھیپ پکڑی گئی ہے۔ ذرائع کے مطابق ملزمان نے ڈبل کیبین گاڑی میں کرسٹل چھپا رکھی تھی ،

ذرائع نے بتایا کہ نجی اسپتال کی پارکنگ سے 35 کلوکرسٹل گاڑی سے برآمد کی گئی ہے، منشیات اسٹیڈیم روڈ پر قائم اسپتال کے سیکیورٹی انچارج نے پکڑی ہے ۔

ذرائع کا مزید کہنا ہے کہ اسپتال کی پارکنگ سے 2 ملزمان کو گرفتار کرلیا گیا ہے، دونوں ملزمان کا تعلق بلوچستان کے شہر تربت سے ہے، نجی اسپتال کی انتظامیہ نے دونوں ملزمان کو اے این ایف حکام کے حوالے کردیا ہے۔