اکیلے کمرے میں بیٹھے اگر کوئی غیر معمولی حرکت یا کوئی چیز آپ کے سامنے اپنی جگہ سے ہٹ جائے تو خوف کے مارے یقیناً آپ وہاں سے دوڑ لگا دیں گے۔

لیکن اِن دنوں سوشل میڈیا پر ایک ویڈیو وائرل ہو رہی ہے جس میں کچھ عجیب و غریب مناظر دیکھنے کو ملے۔

بھارتی میڈیا رپورٹس کے مطابق وائرل سی سی ٹی وی ویڈیو میں دیکھا گیا کہ دفتر میں بیٹھے ایک سیکیورٹی گارڈ نے آدھی رات کو ’نہ دکھائی دینے والی غیر مرئی شناخت‘ کا باقاعدہ ویلکم کیا۔

سی سی ٹی وی ویڈیو میں دیکھا جا سکتا ہے کہ ایک ورک پلیس جہاں سیکیورٹی گارڈ کے علاوہ اور کوئی موجود نہیں تھا، کچھ ہی پل میں وہاں کا دروازہ خود بہ خود کھلتا ہے جس کے ویلکم کے لیے وہ اٹھتا ہے اور اسے اندر بھی آںے دیتا ہے۔

سیکیورٹی گارڈ کا عمل یہ ظاہر کررہا تھا کہ اسے وہ مخلوق جیسے دکھائی دے رہی ہو۔

صرف یہی نہیں بلکہ سیکیورٹی گارڈ کو اس مخلوق سے گفتگو بھی کرتے دیکھا جا سکتا ہے۔

ویڈیو پر سوشل میڈیا صارفین کی جانب سے تفریحی تبصروں کا سلسلہ شروع ہوا۔ ایک صارف نے لکھا کہ ’’مجھے یقین ہے کہ جب سیکیورٹی گارڈ یہ سی سی ٹی وی فوٹیج دیکھے گا تو وہ فوراً اپنی ملازمت سے استعفیٰ دے دیگا۔

ایک صارف نے لکھا کہ سیکیورٹی گارڈ بور ہوگیا ہوگا تو وہ کسی کی مدد کرنے کا ڈرامہ کر رہا ہوگا۔