پسند کی شادی کرنے والے جوڑے پر اسلام آباد کے تھانہ ترنول کی حدود میں حملہ کیا گیا جس میں لڑکی جاں بحق ہوگئی۔ شوہر شدید زخمی ہوا جسے اسپتال منتقل کردیا گیا ہے۔

پولیس کے ذرائع نے بتایا ہے کہ نامعلوم افراد نے میاں بیوی پر تیز دھار والے آلے سے کئی وار کیے۔ لڑکی شدید زخمی ہوئی اور اُس نے موقع ہی پر دم توڑ دیا۔

پولیس کا کہنا ہے کہ پسند کی اس شادی پر لڑکی کے گھر والے اُس سے شدید نالاں تھے۔ پولیس نے تحقیقات شروع کردی ہے تاکہ سراغ لگاکر ملزمان کو جلد از جلد گرفتار کیا جاسکے۔