بنگلہ دیش میں مظاہروں کے ذریعے حسینہ واجد کو ملک چھوڑنے پر مجبور کرنے والی طلبہ تحریک کے رہنماؤں اور فوج کے درمیان عبوری حکومت کے قیام پر مذاکرات کامیاب ہوگئے ہیں۔

طلبہ تحریک کی جانب سے 15 رکنی وفد منگل کی شام وزیراعظم ہاؤس پہنچا جہاں اس کے صدر شہاب الدین، آرمی چیف وقار الزماں اور دیگر سروسز چیف کے ساتھ مذاکرات ہوئے۔

بنگلہ دیشی ذرائع ابلاغ کے مطابق مذاکرات میں اتفاق کیا گیا کہ عبوری حکومت کی سربراہی نوبیل انعام یافتہ ڈاکٹر یونس کریں گے۔

طلبہ تحریک کے رہنما ناھد اسلام نے اجلاس کے بعد صحافیوں کو فیصلوں کے بارے میں بتایا۔ انہوں نے کہاکہ صدر نے اتفاق کیا ہے کہ ڈاکٹر یونس حکومت کی قیادت کریں گے جبکہ طلبہ تحریک نے حکومت میں شمولیت کے لیے 15 لوگوں کی فہرست دے دی ہے

صدر شہاب الدین کے سیکریٹری زین العابدین نے بھی ڈاکٹر یونس کے نام پر اتفاق کی تصدیق کی۔