اسپیکر ایاز صادق کی زیرصدارت قومی اسمبلی کا اجلاس پیر کی صبح ساڑھے 11 بجے ہوگا، جس کا 31 نکاتی ایجنڈا جاری کردیا گیا ہے، ایوان میں الیکشن ترمیمی بل 2024 منظوری کے لئے پیش کیا جائے گا۔

ایجنڈے کے مطابق الیکشن ترمیمی بل 2024 قانون سازی اور ترمیمی بل 2024 پیش کرنے کے لئے قواعد کو معطل کرنے کی تحریک پیش کی جائے گی۔ بلال اظہر کیانی الیکشن ترمیمی بل 2024 منظوری کے لئے پیش کریں گے۔ جب کہ الیکشن ترمیمی بل 2024 پر پہلے قائمہ کمیٹی کی رپورٹ پیش کی جائے گی۔

قومی اسمبلی کی قائمہ کمیٹی نے الیکشن ایکٹ ترمیمی بل کثریت رائے سے منظور کرلیا

اس کے علاوہ اراکین کے مختلف نجی بل قانون سازی کے لئے ایوان میں پیش کئے جائیں گے۔ صاحبزادہ صبغت اللہ کی نجی پاورہلانٹس کے ساتھ حکومتی معاہدوں کی ازسر نو جائزہ لینے کی قرارداد بھی ایجنڈا میں موجود ہے۔

پیپلز پارٹی کا حکومت کو اسمبلیاں تحلیل کرکے نئے انتخابات کرانے کا مشورہ

ایم کیوایم اراکین کی بجلی کی تقسیم کارکمپنیوں کے الیکٹرک کی کارکردگی پر بحث کی تحریک بھی ایجنڈا پر موجود ہے، سوالات اور ان کے جوابات وقفہ سوالات کی صورت میں ایجنڈا پر موجود ہے۔ پاسپورٹس کے اجرا میں تاخیر کے بارے میں توجہ دلاو نوٹس بھی اجلاس کے ایجنڈے میں شامل ہے۔

اس کے علاوہ قومی اسمبلی قواعد و ضوابط 2007 میں مختلف ترامیم پیش کی جائیں گی، جب کہ اشیائے ضروریہ خصوصا ڈبہ پیک دودھ کی قیمت میں اضافے پر تشویش کے بارے میں توجہ دلاؤ نوٹس بھی ایجنڈے میں شامل ہے۔