وفاقی حکومت ٹریکٹرز پر سیلز ٹیکس 10 فیصد سے بڑھاکر 14 فیصد کرنے پر غور کر رہی ہے۔ جون میں پیش کیے گئے وفاقی بجٹ میں ٹریکٹرز پر سیلز ٹیکس کی چُھوٹ ختم کرتے ہوئے 10 فیصد سیلز ٹیکس نافذ کیا گیا تھا۔

ذرائع نے روزنامہ بزنس ریکارڈر کو بتایا کہ فیڈرل بورڈ آف ریونیو کو بتایا کہ ٹریکٹرز پر سیلز ٹیکس میں اضافے سے متعلق فیصلہ کرنے کے حوالے سے حال ہیں میں ایک اجلاس ہوا۔ ایف بی آر نے اس سلسلے میں باضابطہ سفارشات پر کام مکمل کرلیا ہے۔ ٹیکس ڈپارٹمنٹ ٹریکٹرز پر سیلز ٹیکس میں اضافہ وفاقی کابینہ کی منظوری سے کرے گا۔

وزارتِ خزانہ نے ٹریکٹرز پر سیلز ٹیکس میں اضافے کے حوالے ایک سمری وفاقی کابینہ کو ارسال کردی ہے۔ ذرائع کے مطابق ٹریکٹرز پر سیلز ٹیکس میں اضافے کی توضیح یہ کی جارہی ہے کہ ُن کی درآمد سے پوری طرح مستفید نہیں ہوا جاتا۔ دوسری طرف سیلز ٹیکس کی معیاری شرح 18 فیصد ہے۔ اس کے نتیجے میں ٹریکٹرز کے لیے ریفنڈ کی گنجائش نکلتی ہے۔