خیبر پختونخوا میں دہشت گردی کے خلاف جنگ میں اب تک 2080 پولیس اہلکار اور افسر شہید ہوئے ہیں۔

پولیس کی دستاویز کے مطابق سب سے زیادہ 367 افسر اور اہلکار پشاور میں شہید ہوئے ہیں۔

پولیس کے فراہم کردہ اعداد و شمار کے مطابق بنوں میں 239، ڈیرہ اسماعیل خان میں 234، مردان 121 اور سوات میں 104 افسروں اور اہلکاروں نے جامِ شہادت نوش کیا ہے۔

پولیس کی جاری کردہ دستاویز کے مطابق صوبے بھر میں ایلیٹ فورس کے 111 اہلکاروں نے بھی جامِ شہادت نوش کیا ہے۔

سینٹرل پولیس آفس کی جاری کردہ دستاویزکے مطابق ضلع کرم میں ایک پولیس اہلکار شہید ہوا۔ تورغر اور کوہستان میں 2 ، 2 جبکہ ضلع مہمند میں اب تک 4 پولیس اہلکار شہید ہوچکے ہیں۔

پشاور سمیت خیبر پختونخوا میں 4 اگست کو پولیس کے شہدا کی یاد میں تقریبات منعقد کی جائیں گی۔