ناروے کپ کے سنسنی خیز مقابلے کے بعد پاکستان اسٹریٹ چائلڈ فٹبال ٹیم نے کواٹر فائنل کیلئے کوالیفائی کر لیا۔ سنسنی خیز مقابلے میں قومی اسٹریٹ چائلڈ فٹبال نے ناروے کےسٹرنڈیم کلب کو 3-1 سے شکست دے دی۔

قومی اسٹریٹ چائلڈ فٹبال ٹیم نے ناروے کے خلاف آخری سیکنڈ میں گول کرکے میچ جیت لیا۔ ناروے میں پاکستانی کمیونٹی کامیچ جیتنے کےبعد جشن بھی منایا ۔

قومی اسٹریٹ چائلڈ فٹبال ٹیم نے میچ کے پہلے ہاف میں1گول اسکور کیا۔ جبکہ دوسرے ہاف میں 2گول اسکور کرکے کواٹر فائنل میں جگہ بنا لی ۔

قومی اسٹریٹ چائلڈ فٹبال ٹیم کی جانب سے عبیداللہ، محمد کاشف، محمد عیسیٰ نے ایک ایک گول اسکور کیا قومی اسٹریٹ چائلڈ فٹبال ٹیم کل اپنا کواٹر فائنل میچ جرمنی کے خلاف کھیلے گی۔

قومی ٹیم 2023میں ایونٹ کی ناقبل شکست ٹیم رہی تھی۔