مسجد الحرام کے امام شیخ ڈاکٹر عبدالرحمٰن السدیس نے سوشل میڈیا صارفین کو شادی سے متعلق پوسٹ کرنے سے منع کردیا ہے۔

تفصیلات کے مطابق جمعے کے خطاب کے دوران کہا کہ شادی بیاہ کی تقریبات کی ویڈیوز اور تصاویر سوشل میڈیا پر شئیر کرنے سے گریز کریں۔

امام کعبہ کے مطابق اس طرح کی تقریبات کی سوشل میڈیا پر نمود و نمائش سے پرہیز کرنا چاہیے، جبکہ ساتھ ہی امام کعبہ کی جانب سے تلقین کرتے ہوئے کہنا تھا کہ مسلمان اقتصادی، توازن اور فرمانبرداری کے ساتھ زندگی گزر بسر کریں۔

جبکہ فضول خرچی اور دیگر گناہوں سے پرہیز کرنے کی بھی تلقین کی گئی ہے، شیخ السدیس کی جانب سے معاشرے کی ایک بڑے مسئلے جہیز کا بھی ذکر کیا گیا تھا۔

ایسے مسائل کو حل کرنے کے لیے مسلمانوں کو سنجیدگی کا مظاہرہ کرنے کی بھی تلقین کی گئ ہے۔ ساتھ ہی امام کعبہ نے مسلمانوں کو ہدایت کرتے ہوئے کہا کہ اللہ سے ڈرو اور اسی کی عبادت کرو، اس کی عبادت کے ذریعے ہی اس کے قریب ہوا جا سکتا ہے۔

جبکہ ایسے تمام کاموں سے بھی دور رہنے کی تلقین کی ہے، جو کہ اللہ سے بندے کو دور کردیتے ہیں۔