کراچی میں ایف آئی اے اینٹی ہیومن ٹریفکنگ سرکل نے کارروائی کرتے ہوئے افغان شہریوں کو شناختی کارڈ جاری کرنے والے نادرا افسرکو گرفتار کرلیا گیا۔

ایف آئی اے حکام کے مطابق ملزم ندیم علی نادرا میں بطور اسسٹنٹ ڈائریکٹر تعینات ہے۔ اس نے دیگر ساتھیوں کی ملی بھگت سے افغان شہریوں کو پاکستانی شناختی کارڈ جاری کیے تھے۔

اس حوالے سے ایف آئی اے حکام کا کہنا ہے کہ دیگر ملزمان کی گرفتاری کے لئے چھاپے مارے جا رہے ہیں۔