عمان کے فاسٹ بولر نے پاکستان کرکٹ ٹیم کے فاسٹ بولر شاہین آفریدی کا بڑا ریکارڈ توڑ دیا۔

رپورٹ کے مطابق عمان کے بولر بلال خان شاہین آفریدی کا ریکارڈ توڑتے ہوئے ون ڈے کرکٹ میں تیز ترین 100 وکٹیں حاصل کرنے والے فاسٹ بولر بن گئے ہیں۔ عمان کے بولر بلال خان کی پیدائش پاکستان کے شہر پشاور کی ہے۔

37 سالہ میڈیم پیسر بلال نے یہ اعزاز اومان اور نمیبیا کے مابین آئی سی سی مینز کرکٹ ورلڈ کپ لیگ 2 کے میچ کے دوران حاصل کیا۔

بلال خان نے نمیبیا کی ٹیم کے خلاف مقررہ 10 اوورز میں 50 رنز دے کر 3 وکٹیں حاصل کیں۔ بلال نے 49 ون ڈے میچوں میں 101 وکٹیں حاصل کی۔

جبکہ شاہین آفریدی کی جانب سے 51ویں ون ڈے انٹرنیشنل میں 100 وکٹیں لی گئیں تھیں۔

واضح رہے ون ڈے میں سب سے تیز وکٹیں حاصل کرنے کا ریکارڈ نیپال کے اسپنر سندیپ لمیچانے کے پاس ہے جنہوں نے 42 میچز میں وکٹوں کی سنچری مکمل کی تھی۔