پاکستان میں بجلی کی تقسیم کار کمپنیز نے کپیسٹی پیمنٹ کے نام پر اربوں روپے سمیٹے، منافع خوری کے اس دھندے میں شوگر ملزنے بھی خوب منافع کمایا۔

وزیراعظم شہبازشریف کے صاحبزادے سلیمان شہباز کے بجلی گھرکو بھی کپیسِٹی پیمنٹ کی مد میں منافع ملنے کے الزامات سامنے آئے، لیکن سلیمان شہباز نے ایکس پربیان میں بیگاس سے پید اہونے والی بجلی پر کپیسٹی پیمنٹ کی ادائیگی کی تردید کردی۔

ان کے مطابق بیگاس یعنی گنے کے پھوک سے چلنے والے بجلی کے کارخانوں کو صرف اس بجلی کی قیمت ادا کی جاتی ہے جو گرڈ کو دی جاتی ہے۔

غیرملکی نشریاتی ادارے نے معاملے کی تحقیق کی ماہر توانائی عمار حبیب نے بتایا کہ بیگاس سے بجلی پیدا کرنے کا ایک خاص سیزن ہوتا ہے اس سیزن کےدوران بجلی گھروں کو کپیسِٹی پیمنٹ کی جاتی ہے۔

عمارحبیب نےکہا کہ ضروری نہیں کہ ان کمپنیز کو پورے سال کیپسٹی پیمنٹ ملے کیونکہ یہ پلانٹس پورے سال نہیں چلتے۔