امریکا کی نائب صدر کملا ہیرس کو باضابطہ ڈیموکریٹک صدارتی امیدوار بننے کے لیے سابق صدر براک اوباما کی طرف سے اب تک گرین سگنل نہیں ملا۔ سابق صدر نے اب تک کملا ہیرس کی حمایت کا اعلان نہیں کیا۔

امریکی میڈیا کے مطابق براک اوباما سمجھتے ہیں کہ ڈونلڈ ٹرمپ کو کملا ہیرس نہیں ہراسکتیں تاہم وہ جلد کملا ہیرس کی بطور صدارتی امیدوار توثیق کا ارادہ رکھتے ہیں۔

براک اوباما نے نجی طور پر کملا ہیرس کی بطور صدارتی امیدوار مکمل حمایت کی ہے اور وہ کملا ہیرس سے مسلسل رابطے میں ہیں۔ دونوں کی ٹیم نے انتخابی مہم میں دونوں کی ایک ساتھ شرکت پر تبادلہ خیال بھی کیا ہے۔

ذرائع کا کہنا ہے کہ براک اوباما بھی کملا ہیرس کی جلد توثیق کریں گے، وہ ممکنہ طور پر کملا ہیرس کی انتخابی مہم میں شریک بھی ہوں گے۔