کراچی کے علاقے سچل غازی گوٹھ میں تیزاب گردی کا واقعہ سامنے آگیا، نامعلوم ملزمان رکشہ ڈرائیور پر تیزاب پھینک کرفرار ہو گئے۔

اہلخانہ کے مطابق تیزاب سے سکندر کا چہرہ بری طرح متاثر ہوا ہے، محمد سکندر کو سول برنس وارڈ منتقل کردیا گیا ہے۔

جبکہ واقعے کا مقدمہ تھانہ سچل میں زخمی سکندر کے والد کی مدعیت میں درج کرلیا گیا ہے۔

پولیس کا کہنا ہے کہ واقعے مبینہ طور پر کسی خاتون سے روابط کا شاخسانہ معلوم ہوتا ہے، مختلف پہلوؤں سے تفتیش کی جارہی ہے۔