کراچی کے علاقے منگھوپیر میں گھر سے میاں بیوی کی لاشیں برآمد ہوئی جس کے بارے میں انکشاف ہوا کہ پسند کی شادی کرنے والوں کے قتل کا فیصلہ جرگے میں ہوا تھا۔

واضح رہے کہ دونوں کو چاقوؤں کے وار اور فائرنگ کرکے قتل کیا گیا تھا۔ مقتولین نے پسند کی شادی کی تھی۔ واقعہ سے متعلق تازہ تفصیلات سامنے آئی ہیں۔

پولیس کے مطابق کراچی میں منگھوپیر میں میاں بیوی کے قتل کا فیصلہ جرگے میں ہوا تھا۔ قتل میں میاں بیوی کے والدین کی رضا مندی شامل تھی۔

پولیس کے مطابق ابتدائی طور پر فریقین نے مقدمے کے اندراج سے انکار بھی کیا. مقتولہ سائرہ کی والدہ اور خالہ نے قتل میں اہم کردارادا کیا، سائرہ کی والدہ بہن کے ہمراہ گھر میں داخل ہوئی اور کافی دیر تک بات ہوتی رہی۔

پولیس کے مطابق مقتولہ کی ماں نے ہی ملزمان کو گھر کے اندر بلایا، ملزمان نے گھر میں گھس کر فائرنگ کی، چھریوں کے وار بھی کیے، گھر سے 30بور پستول کے 4خول،2سکے اور دیگر سامان برآمدا ہوا۔