کراچی کےعلاقے بہادر آباد میں گھریلو جھگڑے کے دوران داماد کے بدترین تشدد سے اُس کی بیٹی اور سُسر جاں بحق ہوگئے۔ ملزم واردات کے بعد فرار ہوگیا۔

چار مینار چورنگی کے نزدیک گھریلو جھگڑے میں جاں بحق ہونے والوں میں 60 سالہ زبیر اور آٹھ ماہ کی فاطمہ شامل ہیں۔ مقتول کے بیٹے نے بتایا کہ اس کے والد اپنی بیٹی کے سُسرال گئے تھے جہاں جھگڑا ہوا۔ وہ بیٹی اور نواسی کو لے کر گھر آئے تو بہنوئی نے گھر آکر تشدد کیا۔

حیدر آباد میں شدید گرمی کے باعث 9 افراد جاں بحق ہوگئے

پولیس کےمطابق ملزم نے سُسر پر تشدد کیا تو آٹھ ماہ کی فاطمہ بھی زد میں آگئی۔ پولیس نے نانا اور نواسی کی لاشیں اسپتال منتقل کیں۔ ملزم کی تلاش جاری ہے۔