حال ہی میں بھارتی خاتون فوجی افسر کے حوالے سے خبر سامنے آئی ہے، جہاں خاتون افسر نے سینئر افسر کے ہراساں کرنے پر اپنی ہی جان لینے کی کوشش کی گئی ہے۔

تفصیلات کے مطابق بھارتی فوجی کی خاتون کرنل افسر امبالہ میں تعینات تھیں جنہوں نے اپنی جان لینے کی کوشش کی، بھارتی میڈیا کے مطابق خاتون افسر کی جانب سے دیگر افسران پر ان کے ساتھ ناانصافی اور انہیں ذہنی طور پر ظلم کا نشانہ بنایا گیا ہے۔

بھارتی فوج کے ویسٹرن کمانڈ اور ایچ کیو 9 کور کے افسران پر الزام عائد کیا گیا ہے، تاہم بھارتی فوج کی جانب سے الزامات کو رد کر دیا گیا ہے، جبکہ ساتھ ہی فوجی حکام کی جانب سے خاتون کرنل کی جانب سے خودکشی کرنے کی کوشش کی بھی تردید کی گئی ہے۔

جبکہ خاتون کرنل سے متعلق وضاحت دیتے ہوئے بتایا کہ خاتون کے جسم پر سطحی زخم موجود تھا، جس کے لیے انہیں علاج کی خاطر اسپتال منتقل کیا گیا، بھارتی میڈیا کے مطابق خاتون افسر کو 13 جولائی کو گلے پر زخم کے باعث امبالہ میں موجود ملٹری اسپتال منتقل کیا گیا تھا۔

جبکہ خاتون کرنل کو اس سے قبل چندی مندر پر موجود سائیکاٹرک کمانڈ اسپتال منتقل کیا گیا تھا، جہاں ذہنی علاج کیا جاتا ہے۔

واقعہ اس وقت سامنے آیا تھا جب ڈپٹی جنرل افسر کمانڈنگ ہیڈ کوارٹر 40 آرٹلری ڈیویژن کی جانب سے 9 جولائی کو خاتون کرنل کو 90 دن کے لیے معطل کیا تھا، جبکہ خاتون کرنل پر مختلف کوتاہیوں کے حوالے سے الزامات عائد تھے۔

دوسری جانب خاتون کرنل کے شوہر جو کہ سابق آرمی افسر ہیں، انہوں نے امبالہ پولیس اسٹیشن میں بھارتی فوجی افسران کے خلاف شکایت درج کرائی ہے، جس میں الزام عائد کیا گیا ہے کہ ان کی اہلیہ کو باقاعدہ طور پر ہراساں کیا گیا ہے۔

جبکہ شوہر کی جانب سے خاتون کرنل کا وہ وائس نوٹ بھی پیش کیا گیا ہے، جس میں وہ اپنے ساتھ پیش آئے واقعے کا تذکرہ شوہر سے کر رہی تھیں۔