نامور امریکی گلوکارہ میڈونا کے بیٹے کی زندگی مشکل ہوگئی، 18 سالہ نوجوان کے پاس کھانے تک کو پیسے نہیں۔

غیر ملکی میڈیا رپورٹ کے مطابق میڈونا کے لے پالک بیٹے ڈیوڈ بینڈا نے اپنی سپر اسٹار والدہ کا گھر چھوڑ دیا تھا جس کے بعد وہ نیو یارک کے علاقے برونز میں ایک اپارٹمنٹ میں رہائش پذیر ہے۔

ڈیوڈ اپنی زندگی کی نئی شروعات کرنا چاہتا ہے اور وہ آن لائن گٹار سکھا کر اپنا پیٹ پال رہا ہے۔

اپنے حالیہ انٹرویو کے دوران ڈیوڈ کا کہنا تھا کہ وہ اپنی اس طرز زندگی سے کافی مطمئن ہیں۔ ان کا کہنا تھا کہ “مجھے یہ پسند ہے۔ بینڈا نے بتایا کہ میں اکیلا نہیں بلکہ میری گرل فرینڈ میرے ساتھ رہتی ہے۔

والدہ میڈونا کے 85 کروڑ ڈالر کی دولت کے باوجود ڈیوڈ اپنی محنت سے خود کفالت کی کوشش کر رہا ہے۔ ایک انسٹاگرام لائیو میں اس نے بتایا کہ رات کے نو بجے بھوکا ہونے کا تجربہ اور یہ جاننا کہ ان کے پاس کھانے کے پیسے نہیں، ان کے لیے دلچسپ ہے۔