اڈیالہ جیل میں سابق خاتون اول بشریٰ بی بی نے صحافیوں سے غیر رسمی گفتگو کی، اس دوران عمران خان نے طنز کرتے ہوئے کہا کہ ’سینسرڈ میڈیا ہے آپ کی بات نہیں چلائے گا‘۔

بشریٰ بی بی کی اڈیالہ جیل میں صحافیوں سے غیر رسمی بات چیت چل رہی تھی کہ اس دوران عمران خان، اپنی اہلیہ کو گفتگو کے دوران بار بار منع کرتے رہے۔

یہ بھی پڑھیں : ملک کے ساتھ اچھا سلوک نہیں کیا جا رہا، فیصلے دینے والوں کو اب بھی سوچنا ہوگا، نواز شریف

جس پر بشریٰ بی بی نے عمران خوان کو جواب دیا کہ ’ مجھے بات کرنے دیں میں آج ساری بات میڈیا کے سامنے رکھوں گی’۔

اس جواب پر بانی پی ٹی آئی نے بشریٰ بی بی کو کہا کہ ’یہ سینسرڈ میڈیا ہے آپ کی بات نہیں چلائیں گے‘

جس پر صحافیوں نے عمران خان کے سامنے احتجاج کیا اور کہا کہ ’آپ ہم پر طنز کر رہے ہیں‘

صحافیوں نے اپنی بات کو آگے بڑھاتے ہوئے کہا کہ ’آپ کی ساری باتیں چلتی ہیں آپ کی ساری گفتگو آن ایئر ہوتی ہے‘۔

میڈیا نمائندوں کے احتجاج پر بانی پی ٹی آئی عمران خان خاموش ہو کر واپس چلے گئے۔