ہفتے کو وزیرِاعظم سےعالمی شہرت یافتہ کوہ پیما نائلہ کیانی نے ملاقات کی۔ وزیر اعظم نے نائلہ کیانی کودنیا کی بلند ترین چوٹی سر کرنے پر مبارک باد دی۔

وزیر اعظم محمد شہباز شریف کا کہنا تھا کہ پاکستان میں کواتین ہر شعبے میں اپنی بھرپور صلاحیتوں کا اظہار کرتے ہوئے گراں قدر خدمات انجام دے رہی ہیں۔

ان کا کہنا تھا کہ نائلہ کیانی کا بطور پہلی پاکستانی خاتون کوہ پیما 8 ہزار میٹر سے بلند 11 چوٹیاں سر کرنا پاکستان کے لیے بہت بڑا اور انتہائی قابلِ فخر اعزاز ہے۔

وزیر اعظم کا کہنا تھا کہ حکومت ملک میں باصلاحیت خواتین کو ترقی کے یکساں مواقع فراہم کرنے کے لیے پُرعزم ہے۔