خیبر پختونخوا حکومت نے بھی صوبائی ملازمین کی تنخواہوں میں25 فیصد اضافے کا اصولی فیصلہ کرلیا ہے۔

مشیر خزانہ مزمل اسلم اور سیکرٹری فنانس کی سرابرہی میں بجٹ سے متعلق 4 رکنی وزرا کمیٹی کا اجلاس ہوا۔

اجلاس کے بعد کمیٹی نے وزیراعلی خیبر پختونخوا کو بریفنگ دی جس کی وزیر اعلی نے حتمی منظوری دے دی ہے۔ ذرائع کے مطابق گریڈ 1 سے 16 تک کے ملازمین کی تنخواہوں میں 25 فیصد جبکہ گریڈ 17 سے 22 تک 20 فیصد اور پینشن میں 15 فیصد اضافہ کیا جائے گا۔

کابینہ سے منظوری کے بعد نوٹیفکیشن جاری کر دیا جائے گا۔