کراچی کے مومن آباد پولیس اسٹیشن میں ڈیوٹی پر مامور دو سپاہی آپس میں لڑ پڑے۔ لڑائی کے دوران داور حسین نے اسد انور كو گولی مار دی۔ اسد انور كو جناح اسپتال میں طبی امداد دی جارہی ہے۔

داور حسین اور اسد انور کسی معاملے پر ہلکی پھلکی گفتگو کر رہے تھے۔ باتوں ہی باتوں میں کچھ ایسا ہوا کہ معاملہ تلخ کلامی تک پہنچ گیا۔

تلخی کلامی کے بعد داور حسین نے اسد انور کو گولی ماری اور فرار ہوگیا۔ پولیس کا کہنا ہے کہ داور حسین کے خلاف مقدمہ درج کیا جائے گا۔

ایس ایس پی ویسٹ نے بتایا کہ داور حسین اور اسد انور جمعہ کی صبح کہیں چھاپہ مارنے گئے تھے۔ مذاق ہی مذاق میں دونوں کے درمیان تلخ کلامی ہوگئی۔