صادق آباد میں عطائی ڈاکٹر نے مبینہ طور پر غلط ڈرپ لگادی جس سے خاتون کا بازو متاثر ہوگیا۔ خاتوں شدید تکلیف میں مبتلا ہے۔ متاثرہ بازو شدید جسمانی تکلیف کے ساتھ ذہنی اذیت کا بھی باعث ہے۔

بوڑھے والد نے پنجاب کی وزیرِاعلیٰ مریم نواز سے اپیل کی ہے کہ بیٹی کا علاج کرایا جائے اور عطائی ڈاکٹر کے خلاف کارروائی کی جائے۔

صادق آباد کی رہائشی زبیدہ بی بی کو بخار ہوا تو عطائی ڈاکٹر نے مبینہ طور پر غلط ڈرپ لگادی۔ بوڑھے والد نے جمع پونجی اور گھر کا سامان بیچ کر بیٹی کا آپریشن اور علاج کروایا مگر آپریشن کروانے کے باوجود بازو ٹھیک نہ ہوسکا۔ بیٹی کے ہاتھ سے پٹی ہی نہ اترکی۔

بستر پر لیٹی تکلیف میں مبتلا زبیدہ بی بی کے بوڑھے والد کا کہنا ہے بیٹی کا علاج کروانے کے لیے گھر کے برتن تک بیچ دیے ہیں مگر بازو ٹھیک نہ ہوسکا۔ وزیرِ اعلیٰ پنجاب بیٹی کا اعلاج کروائیں اور انصاف دلائیں۔

عطائی ڈاکٹر دکان بند کرکے روپوش ہوچکا ہے۔ عطائی کا ڈاکٹر کا کہنا ہے میں خود بیمار ہوں علاج کیلئے کراچی آیا ہوا ہوں۔ پنجاب کے محکمہ صحت کے حکام کا کہنا ہے کہ متاثرہ خاتون نے کارروائی کے لیے باضابطہ درخواست نہیں دی ہے۔ اس معاملے کی انکوائری کی جارہی ہے۔