کراچی کے علاقے کورنگی زمان ٹاؤن میں پولیس نے 3 ڈکیتوں کو گرفتار کرلیا، پولیس کے مطابق ملزمان نے 2 روز قبل راہ گیر فیملی کو لوٹا تھا۔

پولیس کے مطابق 3 رکنی گروہ نے 2 روز قبل راہ گیر فیملی کولوٹا تھا، گرفتار ملزمان سے اسلحہ، چھینے گئے 5موبائل فون برآمد کرلیے جبکہ واردات کی سی سی ٹی وی فوٹیج بھی حاصل کرلی۔

پولیس نے بتایا کہ گرفتار ملزمان کی شناخت ایاز، شہریار اور عبدالرحمن کے نام سے ہوئی ہے، گرفتار ملزمان کے خلاف تھانہ زمان ٹاؤن میں مقدمہ درج کرلیا گیا، گرفتار ملزمان سے مزید تفتیش کا عمل جاری ہے۔