پاکستان سے برطانیہ منگوائی گئی کار سے بندوق کے اجزا اور پُرزے برآمد ہونے پر برمنگھم کے علاقے اسپارک ہل سے یاسر خان نامی شخص کو گرفتار کرلیا گیا ہے۔ بندوق کے پُرزے اور آلات کار کے فیول ٹینک اور بونٹ کے نیچے چھپائے گئے تھے۔

پی اے میڈیا کی رپورٹ کے مطابق ضبط کیے جانے والے بندوق کے اجزا کی تعداد 72 ہے۔ ان میں ٹاپ سلائیڈز اور اور ہینڈ گنز کی نالیاں بھی شامل ہیں۔

نیشنل کرائم ایجنسی نے بتایا کہ 7 جولائی کو بارڈر فورس کے افسران نے اس کھیپ کا سراغ لنڈن گیٹ وے پورٹ پر لگایا۔

نیشنل کرائم ایجنسی کے مطابق برمنگھم کے جیولری کوارٹر سے حراست میں لیے جانے والے 39 سالہ یاسر خان سے پوچھ گچھ کے بعد ہفتے کو اس پر سنگین جرم کے تحت مقدمہ قائم کردیا گیا ہے۔ یاس خان کو آج کسی وقت برمنگھم میں مجسٹریٹ کے روبرو پیش کیا جائے گا۔

افغانستان سے پاکستان آنے والی گاڑی سے جدید امریکی ہتھیار برآمد

اسمگلنگ کیلئے بھارتی پنجاب سے ڈرونز پاکستان جاتے ہیں، وزیراعلی بھگوت مان