حیدرآباد کی شناخت کا ایک اہم حوالہ قدم گاہ مولا علی بھے ہے جہاں عام دنوں کے ساتھ ساتھ محرم الحرام کے دوران زائرین کی بہت بڑی تعداد حاضری دے کر شہدائے کربلا کو سلام عقیدت پیش کرتی ہے۔

قدم گاہ مولا علی کے باعث حیدرآباد کو نجف سندھ کے نام سے بھی موسوم کیا جاتا ہے جہاں وہ پتھر موجود ہے جس پر حضرت علی نے نماز ادا کی اس پتھر پر آپ کے قدم مبارک کے نشان واضح طور پر موجود ہیں جن کی زیارت کے لئے زائرین نہ صرف پاکستان بلکہ دنیا بھر سے یہاں آتے ہیں.

قدم گاہ مولا علی کی منتظم انجمن امامیہ سندھ کے جنرل سیکرٹری صادق علی مرزا کہتے ہیں محرم کے دس دن قدم گاہ پر زائرین کی تعداد دیکھنے سے تعلق رکھتی ہے۔

قدم گاہ مولا علی پر سارا سال مجالس اور عزاداری کا سلسلہ جاری رہتا ہے جو محرم الحرام میں اپنے عروج پر پہنچ جاتا ہے۔