جامعہ کراچی کے شعبہ ابلاغ عامہ کی لیب میں آگ بھڑک اٹھی ہے، واقعہ میں میڈیا لیب کو نقصان پہنچا ہے۔

ابتدائی تفصیلات کے مطابق یونیورسٹی کی انتظامیہ نے بتایا کہ آگ میڈیا لیب میں شارٹ سرکٹ کے باعث لگی جس کے بعد دھواں بھرگیا اور فوری طور پر شعبہ ابلاغ عامہ کو خالی کرا لیا گیا۔

حکام کے مطابق حادثے میں دو ائیر کنڈیشنڈ، فرنیچر اور لیب کا دیگر سامان جل گیا جبکہ فائر بریگیڈ کی دو گاڑیوں نے آگ پر قابو پالیا۔