چند روزقبل سینیئر اداکار راشد محمود نے اپنا موجودہ بجلی کا ماہانہ45،000 کابل شیئر کرتے ہوئے اس کے خلاف احتجاج کیا ، جس پر لوگوں نے اپنے ردعمل کا اطہار کرتے ہوئے فنکار سے دلی ہمدردی ظاہر کی۔ ساتھ ہی صارفین کی بڑی تعداد کا کہنا تھا کہ کم وبیش وہ بھی اسی قسم کی صورحال سے دوچار ہیں۔

اب شوبز سے تعلق رکھنے والی کئی خواتین سیلیبریٹیزبھی بجلی کے بھاری بلوں کے خلاف میدان میں آگئیں۔ مشہور پاکستانی سنگر حمیرا چنا نے کہا کہ، انہیں 60ہزار کا بل موصول ہوا ہے۔ حالانکہ وہ صرف رات میں اے سی چلاتی ہیں۔ انہوں نےسرکاری عہدیداران پر بھی زور دیا کہ وہ انہیں بجلی کے بلوں میں ریلیف دیں۔

معروف اداکار راشد محمود کی دردناک ویڈیو نے مداحوں کو رونے پر مجبور کردیا

ایک اور مشہور پاکستانی گلوکار نوراں لال نےبھی بھاری بھرکم بلوں کی مذمت کی اور کہا کہ ٹیکسوں کے ساتھ بجلی کے بھاری بل ادا کرنا مشکل ہوگیا ہے ۔ ان کا کہنا تھا کہ وہ عورت ہوتے ہوئے گھر کو تنہا چلا رہی ہیں، گھر کے مالی معاملات مشکل سے چل رہے ہیں کہ اوپر سے یہ بل ہمیں تحفے میں دے دیے گئے ہیں۔

پاکستان کی سابق اداکارہ مشی خان جو کہ اکثر بجلی کے بلوں پر اپنی رائے دیتی رہتی ہیں، انہوں نے بجلی کے بلوں میں مزید اضافے کا عندیہ دے دیا۔

پاکستان کے سابق اولمپک کھلاری زاہد شریف نے تو بجلی کابل ادا کرنے کے لیے اپنا گردہ فروخت کرنے کی آفر دے دی۔ ان کی یہ خبرسوشل میڈیا پر تیزی سے وائرل ہو رہی ہے۔