ایف آئی اے امیگریشن نے ملتان ایئر پورٹ پر ایک کارروائی کے دوران بھیک مانگنے کے غرض سے بیرون ملک جانے والی 8 خواتین کو آف لوڈ کردیا۔ خواتین 2 پروازوں کے ذریعے سعودی عرب جارہی تھیں۔

ایف آئی اے کے ترجمان کے مطابق گرفتار کی جانے والی خواتین میں سوبا بی بی، خدیجہ بی بی، آسیہ بی بی، سائرہ بی بی، ساجدہ بی بی، سلمیٰ بی بی، ثمینہ بی بی اور نغمہ بی بی شامل ہیں۔

ہر خاتون کے پاس سے 200 سعودی ریال بھی برآمد ہوئے۔ گرفتار کی جانے والی تمام خواتین کا تعلق جنوبی پنجاب کے شہر بہاول نگر سے ہے۔

طیارے سے آف لوڈ کرکے گرفتار کی جانے والی خواتین کو مزید جانچ پڑتال کے لیے ایف آئی اے اینٹی ہیومن ٹریفکنگ سرکل منتقل کردیا گیا ہے۔

مزید پڑھیں :

بحریہ ٹاؤن کے 3 عہدیداروں کو غیرملکی پرواز سے آف لوڈ کرنے کا انکشاف

مجبوری، مافیا اور زبردست کمائی، ملک میں بھکاریوں کے وارے نیارے