کراچی کے علاقے بوٹ بیسن شیریں جناح کالونی میں پولیس کا ملزمان سے فائرنگ کا تبادلہ ہوا۔ آئی جی ساؤتھ کے مطابق مقابلے میں 4 زخمیوں سمیت 5 ملزمان کو گرفتار کرکے ڈکیتی کی واردات ناکام بنا دی گئی۔

ڈی آئی جی ساؤتھ نے بتایا کہ پولیس کا بینک سے رقم لے کر نکلنے والے شہریوں کو لوٹنے والے گینگ سے مقابلہ ہوا۔

انھوں نے مزید بتایا کہ ملزمان نے شہری سے واردات کی کوشش کی تھی، شہری اور اس کی رقم محفوظ ہے۔

ڈی آئی جی ساؤتھ کے مطابق شہری نے نشاندہی کی تو پولیس نے ملزموں کا تعاقب کیا، اور پھر ڈاکوؤں سے مقابلہ ہوا۔

اس حوالے مزید تفصیلات بتاتے ہوئے ڈی آئی جی کا کہنا تھا کہ ملزمان سے 5 ٹی ٹی پستول برآمد کیے گئے ہیں۔