لاس اینجلس کے بین الاقوامی ہوائی اڈے سے ٹیک آف کے فوراً بعد ہی امریکی ایئرلائن کے بوئنگ طیارے کا لینڈنگ گیئرکا ٹائر نکل گیا جس کی ویڈیو وائرل ہوگئی۔

میڈیا کے مطابق یونائیٹڈ ایئر لائنز کی پرواز میں 174 مسافر اور عملے کے 7 ارکان سوار تھے اور طیارہ اپنی مطلوبہ منزل ڈینور جانے کے لیے پرواز بھری تھی۔

خوش قسمتی سے طیارہ ڈینور میں بحفاظت اترنے میں کامیاب ہوگیا اور لینڈنگ کے وقت کوئی حادثہ پیش نہیں آیا۔ لینڈنگ گیئر کا ٹائر نکلنے کی ویڈیو وائرل ہونے کے ساتھ ہی حکام حرکت میں آگئے اور انہوں نے احتیاطی تدابیر اختیار کرلی۔

ویڈیو میں دکھایا گیا ہے کہ ٹیک آف کے چند سیکنڈ بعد ہی ہوائی جہاز کا ٹائر زمین پر گرتا ہے۔