راولپنڈی میں تھانہ صادق آباد کے علاقے مری روڈ پر چینی باشندے کے کال سینٹر پر ڈکیتی کی واردات کا واقعہ پیش آیا ہے، ملزمان نقدی اور موبائل فون لوٹ کر لے گئے۔

پولیس کے مطابق مری روڈ پر واقع کیانی پلازہ میں چینی باشندے کے کال سینٹر میں دو نقاب پوش ڈاکو خود کو ایف آئی اے اہلکار ظاہر کرکے داخل ہوئے۔

ملزمان نے اسلحے کے زور پر کال سینٹر کے سی سی ٹی وی کیمرے بند کرکے کارڈ نکال لیے اور 70 ہزار کی نقدی، 40 موبائل فونز اور لیپ ٹاپ لوٹ کر لے گئے۔

کوئٹہ سے اغوا پنجاب کے سیاحوں سے متعلق تشویشناک خبریں، انسانی حقوق کی تنظیم کا سیاحوں کو چھوڑنے کا مطالبہ

ملزمان جاتے ہوئے کمپنی کے چینی مالک سے گاڑی کی چابی بھی چھین کر لے گئے، اطلاع ملتے ہی پولیس اور فرانزک ٹیم موقع پر پہنچ گئی۔

پولیس کا کہنا ہے کہ واردات کی تحقیقات کی جارہی ہے۔