راولپنڈی کی انسدادِ دہشت گردی کی عدالت میں دائر پاکستان تحریک انصاف کے بانی چیئرمین عمران خان کی بیٹوں سے ملاقات سے متعلق درخواست کے متن میں حقائق کے خلاف استدعا کرنے اور غلطیوں کی بناء پر واپس لے لی گئی۔

انسدادِ دہشت گردی کی عدالت کے جج ملک اعجاز آصف نے سابق وزیراعظم عمران خان کے وکلاء کی سرزنش کی۔

عدالت نے قرار دیا کہ درخواست میں آن لائن بات چیت اور دیگر انتظامات سے متعلق باتیں حقائق کے منافی ہیں، عدالت نے پہلے ہی ہر ماہ 2 بار بانی پی ٹی آئی کی اپنے بیٹوں سے آن لائن بات چیت کے احکامات دیے ہوئے ہیں۔

عدالت نے وکلاء سے کہا کہ آپ عمران خان کی نمائندگی کر رہے ہیں اور آپ کو حقائق کا علم نہیں ہے۔

لگتا ہے عمران خان کا موسم تبدیل ہورہا ہے، خواجہ آصف

عمران خان نے وزیراعظم کی آل پارٹیز کانفرنس میں شرکت کا اعلان کردیا

عمران خان کا چیف جسٹس پر عدم اعتماد کا اظہار، انصاف نہ ملنے پر بھوک ہڑتال کی دھمکی

اس موقع پر پی ٹی آئی کے وکیل نبیل ستی نے درخواست واپس لینے اور نئی درخواست دینے کی استدعا کر دی۔

بعد میں پی ٹی آئی کے وکلاء کی جانب سے ضروری ترمیم کے بعد نئی درخواست دائر کر دی گئی، جس پر عدالت نے اڈیالہ جیل انتظامیہ کو نوٹس جاری کرتے ہوئے سماعت 8 جولائی تک ملتوی کر دی۔