سندھ ہائی کورٹ نے جنسی ہراسگی پر عہدے سےہٹائے گئے نسیم میمن کی دوبارہ تعیناتی کے کیس کی سماعت کی۔ عدالت نے چیئرمین انٹر بورڈ نسیم میمن کی بحالی کا نوٹیفکیشن معطل کردیا۔

ساتھ ہی ساتھ نسیم میمن کو آئندہ سماعت تک کوئی بھی عہدہ دینے سے بھی روک دیا ہے۔

سندھ ہائی کورٹ نے صوبائی حکومت، انٹر بورڈ اور دیگر فریقین کو نوٹس جاری کردیے۔ فریقین سے 6 اگست تک جواب طلب کیا گیا ہے۔

درخواست گزارکے وکیل نے کہا کہ نسیم میمن کو صوائی محتسبِ اعلیٰ نے جرم ثابت ہونے پر منصب سے ہٹانے کا حکم دیا تھا۔ محکمہ یونیورسٹی اینڈ بورڈز نے نسیم میمن کو معطل کردیا تھا۔

12 دسمبر2023 کو معطلی کا نوٹیفکیشن واپس لے لیا گیا جبکہ نسیم میمن کےخلاف جنسی ہراساں کرنے کا الزام ثابت ہوچکا ہے۔