سندھ کے سینیر وزیر شرجیل انعام میمن کی ہدایت پر کراچی کے داخلی راستوں پر چیک پوسٹیں قائم کرنے کا سلسلہ شروع کردیا گیا ہے۔

اس اقدام کا بنیادی مقصد شہر میں منشیات کی آمد روکنا ہے۔ ساتھ ہی ساتھ اس کے ذریعے امن و امان کا معیار بلند کرنے میں بھی مدد ملے گی۔ شہر میں غیر قانونی اسلحے کی روک تھام کے لیے بھی چیک پوسٹیں قائم کرنا لازم ہوگیا تھا۔

کراچی بھر کے داخلی راستوں پر قائم کی جانے والی اِن چیک پوسٹوں پر ایکسائز اور نارکوٹکس کنٹرول کا کی بھاری نفری اسنیپ چیکنگ کرے گی۔ اسنیپ چیکنگ آج سے شروع ہو رہی ہے۔ شرجیل میمن کا کہنا ہے کہ مختلف مقامات پر نفری فی الفور تعینات کی جارہی ہے۔

سندھ کے سینیر وزیر کہتے ہیں کہ صوبائی حکومت نارکوٹکس کنٹرول ونگ کو زیادہ سے زیادہ مضبوط بنانا چاہتی ہے کہ شہرِ قائد میں منشیات کی اسمگلنگ روکی جاسکے۔

مزید پڑھیں :

کراچی : اسنیپ چیکنگ کے دوران 4 ملزمان گرفتار

کراچی کے داخلی اور خارجی راستوں پر چیکنگ مزید سخت کرنے کا فیصلہ

کراچی میں پولیس اسنیپ چیکنگ کے نام پر ہراساں کرنے لگی