عرفان موتی والا ایک بہت ہی باصلاحیت فنکار ہیں، جنہیں ہم برسوں سے انڈسٹری میں کام کرتے ہوئے دیکھ رہے ہیں۔ وہ حال ہی میں متعدد منصوبوں میں نظر آئے ہیں، جہاں وہ ناظرین کو محظوظ کرنے میں کامیاب رہے ہیں۔ ہم نے انہیں حال ہی میں ”گرو“ اور فلم ”نا بالغ افراد“ میں دیکھا ہے۔

بظاہر سب کو ہنسنے ہنسانے والا یہ اداکار اپنی ذاتی زندگی میں ایک بڑے سانحے سے گزرچکا ہے۔ انہوں نے تقریبا 10سال پہلے اپنی بیوی کو کھو دیا تھا اور اپنے دو بچوں کی پرورش اکیلے اپنی ماں کے ساتھ کی تھی۔

لوگ مجھے بدتمیز اور غنڈی کہتے تھے، متھیرا کا انکشاف

عرفان موتی والا نے بتایا کہ ان کی اہلیہ کو کینسر تھا، جو کہ آخری اسٹیج پر تھا اور دو سال تک انہوں نے اپنی بیوی کی دیکھ بھال کی۔ 2015 میں ان کا انتقال ہو گیا ۔ عرفان نے باوجود دباو کے دوبارہ کبھی شادی نہیں کی، کیونکہ وہ دوبارہ کبھی کسی سے محبت نہیں کرسکتے تھے۔ عرفان موتی والا نے اپنی بیٹی کی شادی کی اور انہوں نے اپنے دو بچوں کی بہت اچھی پرورش کی ہے۔

انہوں نے اپنی ماں کی بھی تعریف کی کیونکہ وہ بچوں کی پرورش میں ان کی چٹان رہی ہیں۔ عرفان موتی والا نے اپنی مرحومہ اہلیہ کو خوبصورتی اور جذباتی طور پر یاد کیا جب انہوں نے کینسر سے محروم ہونے کے بعد اپنی زندگی کے بارے میں بتایا۔