وہاڑی میں محکمہ جنگلی حیات کے عملے نے انتہائی سفاکی کا مظاہرہ کرتے ہوئے ایک مداری کی بندریا کو مبینہ طور پر تشدد کرکے مار ڈالا۔

یہ بندریا مداری کے لیے روزی روٹی کا واحد ذریعہ تھی۔ اپنا روزگار ختم ہو جانے پر مداری نے سوشل میڈیا پر اپنی دکھ بھری کہانی اور بندریا کو مارے جانے کی کہانی بیان کی۔

سوشل میڈیا پر مداری کی فریاد وائرل ہونے پر ڈی پی او نے نوٹس لیتے ہوئے ملزمان کی گرفتاری کا حکم دیا۔ پولیس اہلکاروں نے دو ملزم گرفتار کرلیے۔ ان کا ساتھی فرار ہوگیا۔