بھکرمیں جھنگ روڈ پر منکیرہ کے نزدیک گاڑی اور منی ٹرک میں خوفناک تصادم کے نتیجے میں 5 افراد جاں بحق اور 7 زخمی ہوگئے۔

جھنگ روڈ پر ناصر آباد کے نزدیک میانوالی سے فیصل اباد جانے والی سوزوکی کیری ٹائر پھٹنے پر سامنے سے آنے والے منی ٹرک سے جا ٹکرائی، یہ لوگ رشتہ دار کے انتقال کی خبر پاکر تدفین کے لیے جارہے تھے۔

حادثے میں 4 افراد موقع ہی پر جاں بحق ہوگئے جبکہ ایک زخمی نے نکیرہ اسپتال میں دم توڑا، تمام زخمیوں کو ڈسٹرکٹ ہیڈ کوارٹرز اسپتال بھکر منتقل کردیا گیا۔

زخمیوں میں خواتین اور بچے بھی شامل ہیں، 4 زخمیوں کی حالت نازک بتائی جارہی ہے جبکہ لاشوں اور زخمیوں کو ریسکیو ٹیموں نے گاڑی کاٹ کر نکالا۔