کوئٹہ کے ائیر پورٹ روڈ پر بیوٹمز یونیورسٹی کی چلتی بس سے گر کر ایک طالبعلم جاں بحق اور دوسرا زخمی ہوگیا۔

میڈیا رپورٹس کے مطابق پولیس کے مطابق زخمی حالت میں اسپتال زیرعلاج ہے۔ پولیس نے بتایا کہ یونیورسٹی کی بس چھٹی کے بعد طالب علموں کو شہر لے جارہی تھی کہ ائیرپورٹ روڈ پر دو طالب علم بس سے گرگئے۔

پولیس کے مطابق علی اکبر نامی طالبعلم بس ٹائرکے نیچے آنے سے موقع پر جاں بحق ہوگیا جب کہ دوسرے طالب علم بلال احمد کو زخمی حالت میں سول اسپتال کوئٹہ کے ٹراما سینٹر منتقل کردیا گیا۔

پولیس نے حادثے کا مقدمہ درج کرکے ڈرائیور کو کو گرفتار کرلیا اور بس قبضے میں لے لی۔

طالب علموں کے مطابق بس میں گنجائش سے زیادہ طالب علم ہونے کی وجہ سے دونوں طالب علم بس کے دروازے پر کھڑے تھے، جاں بحق طالب علم علی اکبر بیوٹمز سے بی ایس کے چھٹے سمیسٹر میں پڑھ کررہا تھا۔

بعدازاں واقعہ پر پشتونخوا نیشنل عوامی نے احتجاج کیا اور طلبہ نے کہا کہ یونورسٹی انتظامیہ کی غفلت کی وجہ سے واقعہ پیش آیا، 14 ہزار طلبہ پر صرف 20 بسس موجود ہیں، جن میں طلبہ کو بھیڑبکروں کی طرح بیٹھایا جاتا ہے۔

طلبہ نے کہا کہ بسوں کی کمی کے خلاف پہلے بھی یونیورسٹی کے اندر احتجاج کیا، ہمارا مطالبہ ہے کے یونیورسٹی میں بسس کی تعداد میں اضافہ کیا جائے۔