آج سے شروع ہونے والے مالی سال کے بجٹ کے تحت درآمدی ڈیوٹی میں اہم تبدیلیاں کی گئی ہیں۔ متعدد آئٹمز پر درآمدی ڈیوٹی بڑھادی گئی ہے۔

دواؤں میں استعمال کے علاوہ ہر طرح کے کلورو فارم پر 20 فیصد درآمدی ڈیوٹی نافذ ہوگی۔ پرفیوم اور ٹائلٹ واٹر پر ڈیوٹی 55 فیصد کردی گئی۔ ہر قسم کی اسپورٹس گاڑیوں پر امپورٹ ڈیوٹی 90 فیصد کردی گئی۔

بالوں میں لگانے والے پیسٹ پر درآمدی ڈیوٹی 55 فیصد کردی گئی ہے۔ پھلوں کے جوس پر 60 فیصد درآمدی ڈیوٹی نافذ ہوگی۔ بیوٹی اور سکن کیئر پریپریشن پر 55 فیصد درآمدی ڈیوٹی نافذ ہوگی۔

منرل واٹر اور کتے، بلی کی خوراک پر 60 فیصد درآمدی ڈیوٹی لی جائے گی۔

ڈینٹل پیسٹ اینڈ پائوڈر پر ڈیوٹی 50 فیصد کردی گئی۔ صابن اور اس کے میٹیریل پر بھی درآمدی ڈیوٹی 50 فیصد کردی گئی ہے۔ چمڑے سے بنے ہوئے پہناووں اور ربڑ، پلاسٹک اور ٹیکسٹائل کے جوتوں پر بھی 50 فیصد درآمدی ڈیوٹی لی جائے گی۔ ؎