بھارت کی مسلح افواج کی تاریخ میں پہلی بار ایسا ہوا ہے کہ ایک جماعت میں پڑھنے والے بری اور بحری افواج کے سربراہ ہیں۔

1970 کے عشرے میں اُپیندر دویویدی اور دنیش ترپاٹھی مدھیہ پردیش کے شہر ریوا کے فوجی اسکول میں پانچویں جماعت میں ساتھ پڑھے تھے۔

ایڈمرل دنیش ترپاٹھی نے یکم مئی کو بھارتی بحریہ کے سربراہ کی حیثیت سے حلف اٹھایا تھا جبکہ لیفٹیننٹ جنرل اُپیندر دویویدی آج (30 جون کو) حلف اٹھانے والے ہیں۔

جب دنیش ترپاٹھی اور اُپیندر دویویدی پانچویں جماعت میں ساتھ پڑھ رہے تھے تھے ان کے رول نمبر بالترتیب 931 اور 938 تھے۔

بھارت کے وزیر دفاع اے بھارت بھوشن بابو نے سوشل میڈیا پلیٹ فارم ایکس پر ایک پوسٹ کے ذریعے بری اور بحری افواج کے سربراہوں کے ہم جماعت ہونے کا ذکر کرتے ہوئے اُنہیں مبارک باد دی ہے۔